கொண்டு செலுத்திடுவேன்

அண்ணாகண்ணன்

கொண்டு செலுத்திடுவேன் அம்மா கொண்டு செலுத்திடுவேன்
நின்று செலுத்திடுவேன் அம்மா நின்று செலுத்திடுவேன்
நன்று செலுத்திடுவேன் அம்மா நன்று செலுத்திடுவேன்
இன்று செலுத்திடுவேன் அம்மா இன்று செலுத்திடுவேன்!

சென்று முடித்திடுவேன் ஐயா சென்று முடித்திடுவேன்
குன்று பெயர்த்திடுவேன் ஐயா குன்று பெயர்த்திடுவேன்
வென்று களித்திடுவேன் ஐயா வென்று களித்திடுவேன்
ஒன்று நடத்திடுவேன் ஐயா ஒன்று நடத்திடுவேன்!

உண்டு பெருங்காலம் நமக்கு உண்டு பெருங்காலம்
உண்டு வருங்காலம் யார்க்கும் உண்டு வருங்காலம்
கண்டு நிறைந்திருப்போம் அன்பே கண்டு நிறைந்திருப்போம்
கட்டி அணைத்திருப்போம் அன்பே கட்டி அணைத்திருப்போம்!

பதிவாசிரியரைப் பற்றி

அண்ணாகண்ணன்

கவிஞர்; இதழாளர்; ஆய்வாளர்; சிந்தனையாளர். 20 நூல்களின் ஆசிரியர்; இரு கவிதைகள், 32 மொழிகளில் மொழிபெயர்க்கப்பட்டுள்ளன. ‘தமிழில் இணைய இதழ்கள்’ என்ற தலைப்பில் ஆய்வியல் நிறைஞர்; ‘தமிழில் மின்னாளுகை’ என்ற தலைப்பில் முனைவர். அமுதசுரபி, தமிழ் சிஃபி, சென்னை ஆன்லைன், வெப்துனியா, யாஹூ இதழ்களின் முன்னாள் ஆசிரியர். இண்டஸ் OS, ஃபிளிப்கார்ட், கூகுள் நிறுவனங்களுக்கு மொழியாக்கத் துறையில் பங்களித்தவர். அகமொழிகள் என்ற தலைப்பில் சிந்தனைத் துளிகளைத் தொடராக எழுதி வருபவர். வல்லமை உயராய்வு மையம், நோக்கர் மொழி ஆய்வகம் ஆகியவற்றின் நிறுவனர்.

See author's posts

Tags: அண்ணாகண்ணன்

3 thoughts on “கொண்டு செலுத்திடுவேன்”

பழைய கவிதைகளை படிக்க இயலுமா இந்த புதிய வடிவமைப்பில்

https://www.vallamai.com/?cat=7 என்ற இந்தப் பகுதிக்குப் போனால், பழைய கவிதைகள் அனைத்தையும் படிக்கலாம். மேலே வல்லமை உள்ளடக்கப் பகுதிகளின் தலைப்புகள் உள்ளன. அதன் அருகே உள்ள அம்புக் குறியைச் சொடுக்கினால், உட்பிரிவுகளுக்குச் செல்லலாம்.