பொங்கலே வருக புதுப்பொலிஉ தருக
அக்குப்பையையும் புறகுப்பையையும்
அழகாக தீயிட்டு போக்க வேண்டும்
ஆகாத செயலெல்லாம்அணுகாது இருக்க
ஆதரவு தந்து அபயம் அளிக்க வேண்டும்
இதமிலா பிணி நோய் அகற்றிட செய்து
இதயத்திலே சாந்தி நீ தர வேண்டும்
உண்மைகள் பேசி நன்மைகள் செய்ய
உயிரெல்லாம் உயர்வுற உதவிட வேண்டும்
ஊக்கத்தோடுமக்களெல்லாம் உழைக்க
ஊருக்கே நல் வழி காட்டவேண்டும்
எல்லை இல்லாத அன்புடன் ஊரெல்லாம்
என்றும் விளங்கிட வழி செய்யவேண்டும்
ஏர் உழவன் துன்பம் தீர்ந்து விவசாயம்
ஏற்றமுற செய்து உழவு தழைக்கவேண்டும்
பொய்மைத்தனம் புறந்தள்ளி பொசுக்கவேண்டும்
பொய்ய்யை மெய்யாக்கும் மோசடி போக வேண்டும்
எல்லாத் தீமைகளும் ஒழிந்து நாட்டில்
நல்லவைகளே பொங்க வேண்டும் இப்பொங்கல்
நன்னாளில்பொங்கும் மங்களம் எங்கும் தங்கவேண்டும்
சரஸ்வதி ராசேந்திரன்
